OPINYON : Mesaj Naïza F. St Germain aprèl fin pase 5 jou nan men kidnapè nan peyi a

 

Peyi m nan Ayiti pa gen dwa tounen on espas malediksyon pou pitit li

Frè pam yo, ak Sè pam Ayisyen pa dwe e pa gen dwa tounen pèsekitè pou frè ak sè parèy yo . Nou tout sanble.

Nou tout se pitit tè a kap pase mizè, kap bouske lavi anba solèy cho, kap chèche lespwa pou demen ka miyò. Se pou sa Zansèt yo te goumen, se pou sa Boukman, Desalin, Kristòf tap batay.

Mwen di ak chak moun ki te panse avèm, nan priyè , mwen sòti vivan kote yo te pran mwen an.

Batay la pa fini, nou pa gen dwa pa ka VIV nan peyi a. Nou pa gen dwa bay VAG. Fòk sitiyzsyon an chanje.

Map di ak moun ki te kidnapem yo lenmi an pa nou menm, li pa moun ki sanble avèw la.

Lenmi an se lavi chè, se ensekirite, se grangou nan vant, se malere ak malerèz ki pa jwenn dlo pou yo bwè.

Kisa nou pare pou nou fè pou nou chanje peyi a?

Mwen voye lanmou pou chak moun ki te panse ak fanmim kite edem. Mwen pa gen mo pou mwen di MÈSI.

Ke Bondje Sove Peyi m nan Ayiti🇭🇹🇭🇹🇭🇹🇭🇹🇭🇹🇭🇹

Soyez le premier à commenter

Laisser un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.